Leyla Guven ku li dijî tecrîdkirina Rêberê Gelê Kurd Abdullah Ocalan 44 roj in di greva birçîbûnê de ye got, "Berxwedana min wê dewam bike. Pê bawerim ku ez ê encamekê bi dest bixim. Ji ber ku daxwazên min û hevalên min mafdar û rewa ne."
Ji bo bidawîbûna tecrîdkirina Rêberê Gelê Kurd Abdullah Ocalan, Hevseroka KCD'ê û Parlamentera HDP'ê ya Colemêrgê Leyla Guven ji 8'ê Mijdarê ve li Girtîgeha Tîpa E ya Amedê di greva birçîbûnê ya bêdawî û bêdorveger de ye.
Keça Guven Sabîha Temîzkan bi rêya hesabê xwe yê Twîtterê daxuyaniyek da û diyar kir ku bi rêya telefonê bi diya xwe re axiviye. Temîzkan got, "Di roja 44'an a greva birçîbûnê de bi rêya telefonê em bi hev re axivîn. Gelekî li xwe kêm kiriye. Deng û moralê wê baş e. Dibêje 'Ez ê berxwedana xwe bidomînin. Pê bawerim ku ez ê encamekê bi dest bixim. Ji ber ku daxwazên min û hevalên min mafdar û rewa ne'. Silav li her kesî kir."
