Navenda Ragihandinê ya HPG’ê daxuyan ku wan li ‘Yekîneyên Veşartî’ xistine.

Navenda Ragihandin û Çapemeniyê ya HPG’ê, têkildarî çalakiyên gerîla yên li Amed û Çewligê lidar xistine agahî da:

“9’ê Hezîranê saet 12.00’an yekîneyeke veşartî ya artêşa TC’ê ya dagirker ku li qada Çiyayê Filehan a herêma Besta Şirnexê bûn, ketine bin kontrola hêzên me. Heman rojê saet 17.00’an ev yekîneya veşartî hatiye şopandin û hêzên me ew ji xwe re kirine hdef. Ji nêz ve li wan hatiye xistin û mewziya dijmin bi temamî hatiye tinekirin. Di çapemeniya dijmin de têkildarî çalakiyê hatiye gotin 2 leşker hatine kuştin û 3 jî birîndar bûne lê di vê çalakiyê de 7 leşkerên dijmin hatine kuştin.

Piştî çalakiyê artêşa dagirker a TC’ê bi desteka balafirên bê mirov mirî û birîndarên xwe rakirine û li dijî qadê topên hawan û obûsan avêtine.

 ÇALAKIYÊN AMED Û ÇEWLIGÊ

Hêzên me yên YJA Starê 9’ê Hezîranê li navçeya Pîranê ya Amedê li dijî girê Qurmik ku artêşa dagirker a TC’ê lê bicih bûye çalakiyek pêk anîne. Di çalakiyê de wesayiteke bi tîpa kirpî hatiye rûxandin û 2 tîmên taybet hatine kuştin.

3’yê Hezîranê hêzên me li dijî Fermandariya Qereqola Jandarma ya Bilicê ya navçeya Gêxî a Çewligê ya artêşa TC’ê çalakiyeke pêk anîne. Di çalakiyê de hatiye dîtin ku 1 leşkerê dijmin hatiye kuştin.”