Li hemberî êrîşên dewleta Tirk li Başûrê Kurdistanê jî nerazîbûn tê kirin. Piştî Hewlêr, Silêmanî, Ranya, Qeladizê, Şeladizê û Sengaserê îro gelê Duhokê jî li hemberî dagirkeriyê nerazîbûna xwe nîşan da. Bi hezaran kes li Parka Azadî kom bûn û sloganên “Serkeftin ya Rojava ye”, “Dagirkerî wê têk biçe” berz kirin.

Di çalakiyê de Dr. Kamûran Berwarî axivî. Berwarî diyar kir ku ev êrîş li ser hemû Kurdan û Kurdistanê tê kirin û got “Heke em bi awayekî xurt li hemberî van êrîşan nesekinin û em xwedî li Rojava dernekevin sibê em ê li Başûr jî têk biçin. Ji ber ku Erdogan bi eşkere dibêje ku ew dijminê Kurd û Kurdistanê ye.”