Fermandara YJA Starê Şîlan Goyî (Teybet Bîlen) ku 8'ê Cotmeha 2021'ê di êrîşa hewayî ya dewleta Tirk a dagirker de şehîd bû, li Kampa Penaberan a Şehîd Rustem Cûdî (Mexmûr) bi merasîmekê hate bîranîn.

Merasîma bîranînê bi beşdariya malbatê û şêniyên kampê li Saziya Malbatên Şehîdan bi deqeyeke rêzgirtinê ya ji bo bîranîna Gerîlayên Azadiyê yên Kurdistanê destpê kir. Piştre jî Pakistan Bîlen axivî û got, "Her şehîdek destanek, nirxek û dîrokeke lehengiyê ye. Hevala Şîlan jî yek ji van lehengan e ku navê xwe li dîrokê nivîsî ye. Em çiqasî qalê bikin jî em ê nikaribin têkoşîna hevala Şîlan bi têrkerî bînin ser ziman. Em ê heta dawiyê li ser rêya şehîdên xwe bin."

Xwişka Şîlan Goyî Evîn Bîlen jî got, "Di şexsê Şîlan de şehîdên azadiyê hemûyan bi bîr tînim û destnîşan dikim ku şehîd nirxeke ku rêya me ronî dike."

Di bîranînê de sînevîzyonek li ser jiyan û têkoşîna 23 salan a Fermandara YJA Starê Şehîd Şîlan Goyî hate nîşandan.