Fermandarê YBŞ’ê hate veşartin
Fermandarê YBŞ’ê Zagros Pêncwên ji aliyê girseyeke qelebalix hate veşartin.
Fermandarê YBŞ’ê Zagros Pêncwên ji aliyê girseyeke qelebalix hate veşartin.
Yek ji fermandarên YBŞ’ê Zagros Pêncwên (Usama Abdullah) ê ku di 12’ê Hezîranê de li Şengalê şehîd bûbû, duh êvarî ji aliyê girseyeke qelebalix hate veşartin.
Merasîma veşartinê li gundê Sersuraw ê bi ser bajarokê Germikê yê Pêncwênê hate lidarxistin. Komîteya Malbatên Şehîdan a PKK’ê, Tevgera Ciwanên Welatparêz, endamên Tevgera Azadî û xizmên Şehîd Zagros û girseyeke qelebalix tevlî merasîmê bûn.
'TÊKOŞÎNEKE BAŞ NÎŞAN DA'
Endamê Komîteya Malbatên Şehîdan a PKK’ê Fetiye Alî di axaftina xwe de bal kişand ser têkoşîna gerîla û şervanan ên li her çar parçeyên Kurdistanê û diyar kir ku Zagros Pêncwên ji bo azadiya gelê xwe li Şengal û Rojava şer kir.
Hevserokê Tevgera Azadî Mihemed Abdullah jî diyar kir ku Şehîd Pêncwên ji bo ciwanên Kurdistanê têkoşîneke baş nîşan da û got, “Em partiyên siyasî yên li Başûrê Kurdistanê divê em peyama şehîdên xwe baş fêm bikin û yekîtiya xwe bi pêş ve bibin. Şehîd Zagros şehîdê yekîtiya neteweyî ye.”