Parêzer Rêbin Şemamî ragihand ku têkildarî rewşa 6 kesên ku hê jî destgîr kirine raporek radestî Nûnertiya NY'yê ya Iraq û Konsolosxaneya DYE kirine.
Şemamî diyar kir ku di raporê de hatiye xwestin kesên ku hatine destgîrkirin demildest werin berdan û heta niha ti bersivek nehatiye dayin.
Hêzên asayişê destûr nadin ku parêzer kesên hatine destgîr kirin bibînin û têkildarî rewşa wan agahiyan nadin.
Dewleta Tirk a dagirker 23’ê Çileyê li Dêralûkê 4 sivîl qetil kiribû, roja 26’ê Çileyê jî gelê Şêladizê bi ser baregeha Tirk de girtin û şewitandin. Piştî vê bûyerê operasyonên destgîrkirinê dest pê kir û bi dehan kes ji aliyê hêzên asayişê ve hatin destgîr kirin. Serokwezîrê herêmê yê PDK’yî Nêçîrvan Barzanî jî dagirkeriya Tirk parast û çalakger sucdar kiribû. Asayîşa PDK’ê jî piştre bi dehan kes destgîr kiribû. Ji kesên hatibûn destgîr kirin piranî hatin berdan lê hê jî 6 kes destgîr kirine.