Di operasyona rizgarkirina Tebqayê de şer giran e
Çeteyên DAIŞ'ê, ji bo xwe ji dorpêçiya QSD'ê xilas bikin, danê vê sibehê li 10 cihên cuda êrîş kirin. Şervanên QSD'ê bersiv dan û li ser vê yekê şer derket. Şerê li vê derê didome.
Çeteyên DAIŞ'ê, ji bo xwe ji dorpêçiya QSD'ê xilas bikin, danê vê sibehê li 10 cihên cuda êrîş kirin. Şervanên QSD'ê bersiv dan û li ser vê yekê şer derket. Şerê li vê derê didome.
Çeteyên DAIŞ'ê, ji bo xwe ji dorpêçiya şervanên Hêzên Sûriyeya Demokratîk (QSD) xilas bikin, danê vê sibehê saet di 05:00 de bi çekên giran û êrîşkarên xwekuj ên bombe li xwe pêçandibûn, êrîş kirin. Hêzên QSD'ê di cih de bersiv dan van êrîşên li derdora Tebqayê.
Li gundên Ayîd Kebîr û Cebel Ebûcabîr ên li başûrê Tebqayê, li derdora Balafirgeha Leşkerî û gundê Îcel ên li başûrrojavayê bajêr û li gundên Îbad û Salih El Xeşeb ên li bakurrojavayê Tebqayê, ji danê sibehê û vir ve şerekî dijwar diqewime.
Di vî şerî de gelek çete hatin kuştin, lê hejmareke zelal bi dest neket.
Çeteyan bi hêzeke zêde û cebilxaneyan hewl dan derbasî aliyê başûr bibin. Li nêzî gundê Ayîd Kebîrê, şervanên QSD'ê dest li çeteyan werdan û wesayîteke bi cebilxaneyan dagirtî rûxandin. Her wiha derb li 2 wesayîtan xistin. Serçeteyek jî di navê de komek ji çeteyên DAIŞ'ê li vir hatin kuştin. Şervanên QSD'ê piştî ku êrîşa çeteyan a li vir şikandin, dest bi paqijkirina herêmê kirin.
Şerê li 10 nuqteyan dewam dike.