Çeteyên DAIŞ'ê danê sibehê êrîşî bajarokê Siwêdiya Mezin a li bakurrojhilatê Bendava Tebqayê ye û gundên Humarîn û Widyanê kirin. Ji ber van êrîşan şerekî dijwar diqewime. Şervanên ku hin girên stratejîk rizgar kirin, derbên giran li çeteyan dixin.
Di qonaxa sêyemîn a Pêngava Xezeba Firatê de, çeteyên DAIŞ'ê danê sibehê êrîşî bajarokê Siwêdiya Mezin a li bakurrojhilatê Bendava Tebqayê ye û gundên Humarîn û Widyanê kirin
Şervanên Odeya Çalakiyê ya Xezeba Firatê di cih de bersiv dan êrîşan. Li herêmê şerekî dijwar diqewime.
Li aliyê din, şervanên bi du baskan ji Xiniz û Mekmenê bi pêş ve diçin, di navbera wan û çeteyen DAIŞ'ê de şerekî dijwar diqewime.
Di encama vî şerî de li bakurê Reqayê 2 girên stratejîk ji çeteyan hatin paqijkirin.
Şervanên ji baskê Mekmenê ve bi pêş ve diçin, dor li çeteyên li gundê Milêhan ê li bakurrojhilatê Reqayê girtine.
