Dayika Aştiyê Turkiya Îldem (85) ku li navçeya Qoserê ya Mêrdînê dijiya, jiyana xwe ji dest da. Îldem, du roj berê rakiribûn nexweşxaneyê. Hat zanîn ku Îldem a li nexweşxaneya ku lê dihat dermankirin ji ber qeyrana dil jiyana xwe ji dest daye. Cenazeyê Îldem rakirin morga nexweşxaneyê. Piştî ku zarokên Îldem hatin Qoserê, cenazeyê wê ji morgê girtin û li Gorîstana Mezopotamyayê ya navçeya Qoserê veşartin.

Îldem, di sala 2007’an de ji bo ku kurê xwe yê tev li PKK’ê bibû bibîne çûbû Qendîlê. Piştî ku 6 saetan li Qendîê mabû di vegerê de hatibû destgîrkirin. Der barê Îldem de lêpirsin hatibû destpê kirin û di encama lêpirsînê de hatibû darizandin û bi îdiaya "endamtiya rêxistinê" ceza lê hatibû birîn. Piştî cezayê lê hatibû birîn, hate pejirandin di 15'ê Tîrmeha 2008'an de hate girtin û şandibûn girtîgehê.

Dayika Îldem di 21'ê Adara 2012'an hatibû berdan. Îldem, heta dawiya emrê xwe têkoşîna aştî û azadiyê da.