DAÎŞ'ê li Kerkûkê êriş kir: 13 polîs mirin
Çeteyên DAÎŞ'ê li Kerkûkê êriş birin ser nuqteyekê. Di encamê de 13 polîsan jiyana xwe ji dest dan.
Li gorî çavkaniyên ewlekarî û tenduristiyê, êriş şeva Şemî û Yekşemê li bendeke kontrolê ya li başûrê Kerkûkê qewimî.
Hate ragihandin ku di êrişa çeteyên DAÎŞ'ê de 13 polîs hatine kuştin.
Li vê herêmê, hucreyên razayî yên DAÎŞ'ê timî êrişan dikin. Mehên dawî êriş zêde bûn.
Ev êrişa dawî ya li ser benda kontrolê, êrişa herî giran a çeteyên DAÎŞ'ê ye ku ji destpêka salê ve hatiye kirin.
