Cenazeyê şervanê YPG'ê Xalid Metela (Serdar Serêkaniyê), ku roja 31'ê Çileyê di qonaxa sêyemîn a Pêngava Xezeba Firatê de li gundê Xiniz ê Reqayê jiyana xwe ji dest da, îro li Serêkaniyê hat veşartin.

Welatiyan cenaze ji nexweşxaneya Roj a Serêkaniyê rakirin. Merasîm bi rêzgirtina leşkerî dest pê kir. Di merasîmê de endamê Fermandariya YPGʹê Agirî Jînda axivî û got, "Dijminên mirovahiyê ev çend sal in bi awayekî hovane êrîşî herêmên me dikin. Lê bi saya berxwedan û tekoşîna gel û şervanên me hemû êrîş hatine têkbirin."

Di dawiya merasîmê de welatiyan bi qîrîna dirûşman, cenazeyê şervanê YPG'ê veşartin.