Bi sedan welatiyên bajarê Qamişlo li pêşiya Mala Gel a li taxa Enteriyê kom bûn, cenazeyê şervanê YPG′ê Îlyas Balta (Akif Bagok) ê ku 22′ê Adarê di Pêngava Xezeba Firatê li bajaroka El-Kerame şehîd bibû wergirtin û ber bi Goristana Şehîd Delîl Sarûxan ve ketin rê.

Li goristanê merasîmekî leşkerî hate lidarxistin. Piştre Endama Melcîsa Malbatên Şehîdan Necah Silêman axivî û got bi sedan ciwanên Bakurê Kurdistanê berê xwe dan Rojava û beşdarî şerê li dijî terorê bûn.

Her wiha Hevserokê Desteya Hundirîn a Kantona Cizîrê Kenan Berekat jî anî ziman ku serkeftinên Rojava bi saya yekîtiya hemû pêkhateyên herêmê hatin bidestxistin. Berekat wiha got: ″Hêzên QSD′ê li dijî çeteyên DAIŞ′ê bi qehermanî şer dikin û rojane serkeftinên mezin bidest dixin.

Piştî axaftinan, nasnameya têkoşer hat xwendin, radestî malbatê hate kirin.

Di dawiya merasîmê de cenaze bi dirûşim û tilîliyan hate veşartin.