MINBIC

Welatiyên bajarê Minbicê cenazeyê şervanê Meclîsa Leşkerî ya Minbicê Îzedîn Umer Wês (Xebat Tirkmen) ê ku li gundê Iwêslî yê rojavayê Minbicê jiyana xwe ji dest dabû, ji nexweşxaneya Firatê ya bajêr wergirtin û ber bi goristana Şehîdên Minbicê ve, ketin rê.

Li gorîstanê merasîmek leşkerî hate lidarxistin. Piştre Endamê Saziya Malbatên Şehîdan Xelef Ibrahîm û Fermandarê Giştî yê Meclîsa Leşkerî ya Minbicê Ednan Ebû Emced axivîn. Axaftvanan sersaxî ji hemû malbatên şehîdan re xwestin û diyar kirin ku tekoşer Xebat di çeperên şer de li hemberi dagirkeriya dewleta Tirk li ber xweda û canê xwe fedayî axa welat kir.

Piştre jî, nasnameya têkoşer hat xwendin, radestî malbata wî hat kirin û cenazeyê wî li goristanê hat veşartin

GIRÊ SPÎ

Bi sedan welatiyên bajarê Girê Spî , cenazeyê têkoşer Hesen Elo (Ebû El-Foz) ê ku di Pêngava 3. a Xezeba Firatê de jiyana xwe ji dest dabû, ji Nexweşxaneya Wetenî ya bajêr wergirtin û ber bi Goristana Şehîd Mehmûd Tumê ve ketin rê.

Di merasîma oxirkirinê de, şêniyên bajaroka Eyn Îsa, bajaroka Hîşê û bajaroka Silûkê, amade bûn. Merasîmeke leşkerî hat lidarxistin. Piştre Endamê Meclîsa Malbatên Şehîdan Wehîd Ebdullah, Endama Rêveberiya Konfreya Star Dalya Xelîl axivî û sersaxî ji malbatên şehîdan re xwestin.

Her wiha Endamê Rêveberiya TEV-DEM′ê ya bajaroka Hîşê Şêx Mûs axivî û got ku di nava Tevgera Azadiya Kurdistanê de, ciwanên ji hemû pêkhateyan şehîd bûne.

Di dawiya merasîmê de, cenazeyên têkoşer li goristanê hat oxirkirin.

DIRBESIYÊ

welatiyên bajarên Dirbêsiyê û Serêkaniyê cenazeyê Med Rojava ê ku di Pêngava Xezeba Firatê de şehîd bûye, li Goristana Şehîd Rustem Cûdî bi merasîmekê veşartin.

Li goristanê merasîmek leşkerî hat lidarxistin. Piştre Fermandarê YPG′ê Kawa Rêber axivî û got ku ew ê bi domandina têkoşîn û berxwedanê, tola şehîdên xwe hildin û axa welat ji terorê rizgar bikin.

Hevserokê Meclîsa TEV-DEM′ê ya Kantona Cizîrê Xelîl Osman jî axivî û wiha got; "Cangoriyên azadiyê rêya azadiya gelan ronî kirin û axa welat rizgar kirin."

Her wiha ji aliyê Saziya Malbatên Şehîdan û malbata şehîd Med Rojava ve jî, axaftin hatin kirin û soza şopandina rêya şehîdan hat dayîn.

Piştî axaftinan, nasnameya têkoşer hat xwendin, radestî mablata wî hat kirin û cenazeyê wî li goristanê bi tilîlî û dirûşmeyan hat veşartin.