Girtiyê bi navê Mehmet Alî Yaşa yê ku 74 roj beriya înfaza xwe ya 30 salan temam bike ji Girtîgeha Girtî ya Tîpa T a Meletiyê hatibû berdan, di 11’ê tîrmehê de li Fînlandiyayê jiyana xwe ji dest da. Piştî karûbarên otopsiyê yên cenazeyê Yaşa ê bi nexweşiya penceşêrê ketibû xelas bûn, cenaze duh bi şeva anîn bajarê wî Amedê. Cenazeyê Yaşa di saetên serê sibê de li Goristana Yenîkoy a navçeya Rezan a Amedê hate veşartin.

Gelek nûnerên sazî, dezgeh, partiyên siyasî û rêxistinên sivîl ên civakî, malbat û xizmên Yaşa tevlî merasîma cenazeyî bûn. Piştî ku wecîbeyên olî hatin bicihanîn Yaşa bi dirûşmeyên “Şehîd namirin” hate veşartin.  

Hevserokê Komeleya Yekitî Çand Piştevanî û Alîkariyê ya bi Malbatên Xizmên xwe di Dêrgûşa Şaristaniyê de Windarine re (MEBYA-DER) Mehmet Emîn Kiliç ê piştî merasîma veşartina cenazeyî axivî, da zanîn ku dewletê 30 sal in hewl dida bi awayekî sîstematîk Yaşa qetil bike û bi lêv kir ku di encama tiştên hatine kirin îro tev li cenazeyê Yaşa dibin.

Malbata Yaşa li Mala Şînê ya Liceyiyan şîn danî.