Ji bo gerîlayê HPG’ê Haci Kaskat (Kerîm Amed) ku 11’ê Tebaxê li qada Metînayê ya Başûrê Kurdistanê şehîd bû, li Mala Şînê ya Barmanê ya li navçeya Rêzan a Amedê şîn hate danîn. Bi girseyî serdana şîna Kaskat hate kirin.

Serdan bi pêşengiya MEBYA-DER’ê hate kirin. Endamên Partiya Wekhevî û Demokrasiyê ya Gelan (HEDEP), Partiya Herêmên Demokratîk (DBP), Partiya Demokratîk a Gelan (HDP), Tevgera Jinên Azad (TJA), Meclîsa Dayikên Aştiyê û TÛAY-DER’ê û gelek kesên din beşdarî serdanê bûn.

BANGA YEKÎTIYÊ HATE KIRIN

Di şînê de ji bo şehîd Kaskat dûa hatin kirin. Hevserokê MEBYA-DER’ê Mehmet Emîn Kiliç wiha got: “Eger ziman, çand û nasnameya ciwanên Kurd hatiba naskirin, ev mirin çênedibûn. Li dijî vê qedexe û nenasînê, têkoşîn tê kirin. Eger weke gel em dest bidin destê hev, em ê bikarin pêşî li van mirinan bigirin. Di heman demê de ev wezîfeyek pîroz e.”