Rewşa tenduristiya Nasir Yagiz giran dibe yê ku li Nûnertiya HDP’ê ya li Hewlêr a Başûrê Kurdistanê ku ev 105 roj in li dijî tecrîdê giran a li ser Rêberê Gelê Kurd Abdullah Ocalan di grevê de ye. Tevî rewşa giran jî biryardariya wî dewam dike.

Yagiz ê ku nikare ji nav cihê xwe rabe, baş nema dibîne û baş nema dibihîse jî. Yagiz li gel ku zû hişyar dibe jî heta piştî nîvro nikare ji nav nivînan rabe. Piraniya dema wî di nava cih de derbas dibe û ji ber bêtaqetî û serêşiya zêde nikare zêde rûnê.

Pirsgirêkên tenduristî yên weke dil, mîde, serêşî û bêtaqetiyê her roja diçe girantir dibe. Roj bi roj dihele. Lê tevî vê yekê jî moral û îradeya wî pir xurt e. Biryardariya wî tevî giraniya rewşa wî pir xurt e.

FEDÎLE TOK BI MORAL Û BIRYAR E

Greva birçîbûnê ya bêdawî û bidorveger a li Mexmûrê bi dewirgirtina koma 27’an di roja di roja 79’an de dewam bike.

Greva bêdawî û bêdorveger a endama Koordînasyona Meclîsa Îştar Fedîle Tok a li Mexmûrê jî kete roja 45’an. Tok diyar kir ku moral û coşa wê pir zêde ye, her wiha biryardariya wê jî roj bir roj xurt dibe. Pirsgirêkên tenduristiyê yên mîna serêşî, tansyon û dîsa gêşbûnê hinek din girantir bûne.

GREVÊN BIRÇÎBÛNÊ BELAVÎ BAŞÛR BÛYE

Grevên birçîbûnê piştî Hewlêrê û Mexmûrê li gelek herêmên din ên Başûrê Kurdistanê bûne.

Li Kelarê endezyar Herêm Mehmûd 24'ê Sibatê dest bi greva birçîbûnê ya bêdawî û bêdorveger kir. Greva Mehmûd di roja 10’an de ye.

Greva bêdawî û bidorveger a li Komeleya Karkerên Mezopotamya 14’ê Mijdara 2018’an jî hatibû destpêkirin di roja 82’an de dewam dike.