Balafirên şer ên artêşa Tirk bombe li herêma Metînayê barandin
HPG'ê diyar kir, balafirên şer ên artêşa Tirk roja 6'ê Kanûnê bombe li girê Zendûra yê herêma Metînayê barandiye û ti ziyan negihiştiye hêzên wan.
Navenda Ragihandin û Çapemeniyê ya HPG'ê, li ser bomberdûmana balafirên şer ên artêşa Tirk agahî da.
Li gorî daxuyaniyê, 6'ê Kanûnê saet 10'an, balafirên şer ên artêşa Tirk bombe li girê Zendûra yê herêma Metîna ya Herêmên Parastinê yên Medyayê barandin.
Di daxuyaniyê de hate gotin, "Ji ber bomberdûmanê zerar û ziyan negihiştiye hêzên me."
