Li cîhanê piştî ku vîrûsa Covîd-19 bi bandor bû, saziyên alîkariya mirovî ketin nava tevgerê.

Bi taybet jî li hemberî rewşa xerab a Îtalyayê.

Li vî welatî Saziya Heyva Sor a Kurdistanê jî hemû derfetên xwe ket nava hewldanên alîkariya mirovên hewcedar.

Ji ber vê xebatê, Şaredariya bajarê Lîvornoyê Spasname pêşkêşî Heyva Sor a Kurdistanê kir.

Şaredariyê ragihand ku di pêvajoya herî zor de, Heyva Sor a Kurdistanê destê alîkariyê dirêjî mirovên bê xanî û kesên bi temen kir.

Şaredarê Lîvorno Luca Salvettî bi merasîmekê spasname radestî rêveberên Heyva Sor a Kurdistanê kir. Merasîmê de rêvebirê Heyva Sor axivî û got, "Di dema belavbûna şewbê de ji gelek welatan û deveran ji bo Îtalyayê pîştgirî hat. Û wê demê zarokên ku kampên Şehbayê dimînin jî peyamên piştgirîyê ji bo Îtalyayê şandibûn. Niha jî li Rojava vîrûsa Koronayê belav dibe, lazim e Îtalya jî di vê dema dijwar de pîştgiriya Rojava bike."