Şandeyek ji Heşdî Şabî îro serê sibehê serdana Şengalê kir.

Şande ji fermandariya berpirsyarê hêzên giştî yên Heşdî Şebî yên Nînowayê Lîwa Huseyn, komeke fermandarên payebilind ên Heşdî Şebî û parlementerê Iraqê Seyîd Mûxtar el Mûsewî pêk dihat.

Şande, ji aliyê rêveberên Meclîsa Xweser a Şengalê, nûnerên YBŞ'ê û rûspiyên civaka Êzidî ve hat pêşwazîkirin.

Di hevdîtinê de ku ji çapemeniyê girtî pêk hat, rojev peymana Hewlêr û Bexdayê ya li ser Şengalê bû.

Berdevkiya şandeyê ragihand ku bi vê serdanê ew dixwazin tifaq û hevkariya xwe raber bikin û nîşan bidin ku çi êrîş ji aliyê kê ve li ser Şengalê çêbe, wê hêza Heşdî Şebî û YBŞ-YJŞ bi hev re li hemberî wan rabin.