Êrîşên li dijî Kobanê li Sydneyê hatin şermezarkirin
Êrîşên dewleta Tirk ên li dijî Kobanê, li Sydneyê hatin şermezarkirin.
Êrîşên dewleta Tirk ên li dijî Kobanê, li Sydneyê hatin şermezarkirin.
Êrîşên dewleta Tirk ên li dijî Kobanê, li bajarê Sydney ê Awûstralyayê hatin şermezarkirin.
Çalakî bi banga Navenda Civaka Demokratîk a Kurd li Qîrcûlar Qûay Cûstoms hoûse pêk hat û rêxistinên çep ên Awûstralyayê jî destek dan.
Endamê Komîsyona Piştgiriya bi Rojava re Peter Boyle li qada çalakiyê axivî.
Boyle diyar kir, Kobanê sembola mirovahiyê ye, li dijî êrîşên DAÎŞ'ê û Erdogan li ber xwe daye û ruhekî têkoşer ku di dîroka cîhanê de kêm caran hatiye dîtin, derxistiye holê.
Boyle bang li her kesî kir ku li dora Kobanê li hev bicivin û got, "Bi vî rengî em dikarin pêşî li êrîşan bigirin."
Di çalakiyê de posterên Rêberê Gelê Kurd Abdullah Ocalan û alên YPG/YPJ'ê hatin hildan.
Di çalakiyê de dirûşmên "Faşîst Erdogan", "Terorîst Erdogan", "Bijî berxwedana Kobanê" hatin qîrîn. Çalakî bi xwendina belavoka li ser êrîş û komkujiyên dewleta Tirk qediya.