Girtiyên Şêladizê yên bi navê Yusif Şerîf, Mehmûd Nacî, Kovan Tarîq Cubraîl, Emced Yusif û Nêçîrvan Hacî du sal in ji aliyê PDK’ê ve hatine girtin û nayên berdan.

Li gorî biryara dadgehê diviyabûher 5 girtî piştî Cejna Qurbanê bihatana berdan, lê hêj nehatine berdan.

Parêzerê girtiyan Beşdar Hesen ragihand ku diviyabû ev 5 girtî beriya cejna Qurbanê bihatana berdan, lê ji ber destwerdanên partiyan serbestberdana wan hatiye rawestandin.

Beşdar Hesen got; “Ji ber ku nayê berdan 5 girtiyan dest bi rojiya mirinê kirine, tu xwarinekê naxwin. Beriya çend rojan Tîma Parêzeran, Lijneya Mafên Mirovan a Parlamentoyê û Komîsyona Mafên Mirovan daxwaz kiribûn ku sedema destgîrkirina girtiyan bê ronîkirin, lê bersiveke pêwîst nehatibû dayîn.”