Tevgera Azadiya Jinên Êzidî (TAJÊ) bi daxuyeniyekê êrîşa li dijî Firyal Silêman Xalid ya ku beriya du rojan Li Kerkûkê ji aliyê komek nenas ve hatibû qetilkirin, şermezar kir û got: “Jinek li kur li hember dagirkeriyê rabe tê hedefgirtin û şehîdxistin.”

Daxuyanî ji aliyê Endama Koordînasyona TAJÊ Neam Bede ve hate dayîn.

Neam Bedel di destpêka axaftina xwe de wiha got: “Di şexsê heval Zelal û şehîdên têkoşîna azadiyê de, em tevahî şehîdan bibîr tînin û li ber bîranîna wan bejna xwe di tewînin. Em weka tevgera azadiya jinên Êzidî êrîşên li ser tevahiya jinan, li ser xwe dibînin. Dewleta Tirk û hevkarê wê PDK'ê gelek hevalên me hedef girtine û qetil kirine. Sedemê hedef girtina hevalên me yên jin jî ew e ku ji hêza jinê ditirsin. Lê bila baş bi zanibin ku em jin tu carî xilas nabin û bi sedan pêşeng ji me herin jî wê şûna wan were dagirtin û hesap ji dijmin were xwestin.”

Neam Bedel bal kişand 6'emîn salvegera dagirkirina Efrînê û got: “Bila gelê Efrînê baş bi zanibe em wek civaka Êzidî û bi taybet jinên Êzidxanê bi hemû hêz û îrada xwe li pişta we ne. Em ê Efrîna xwe ji destê wan çeteyan rizgar bikin. Şengal û Rojava yek in, bila dijminê mirovahiyê baş bi zanibe ku ne Şengal bê Rojava dibe û ne jî Rojava bêyî Şengal dibe. Em ê bi hev re dewleta Tirk a dagirker ji wan herêman der bixin.”

Daxuyaniya TAJÊ bi berzkirina dirûşmeyên “Bijî Berxwedana Efrîn, Şengal û Rojava” û “Şehîd namirin” bi dawî bû.