Vivir Quintana tevî 60 jinên Meksîkayê strana 'Canción sin miedo' di Adara 2020'î de weşand. Stran ji ber komkujiya jinan a li Başûrê Emerîkayê hate weşandin. Koma Andrea Wolf jî sûd ji gotinên vê stranê wergirt.

Koma Andrea Wolf ku ji endamên Navenda Lêkolînê ya Jineolojiyê ya Kantona Qamişloyê pêk tê, bi sûdwergirtina ji strana 'Canción sin miedo' stranek amade kirin û ev stran jî di şexsê Endama Navenda Lêkolînên Jineolojiyê Nagîhan Akarsel (Zîlan) de ku 4'ê Cotmeha 2022'an li Silêmaniyeyê hate qetilkirin, ji bo jinên hatin qetilkirin gotin.

Koma Andrea Wolf ji 12 jinên Elman, Spanî, Katalan û Emerîkî pêk tê. Jinên enternasyonalîst ku alîkarî dan kişandina dîmen û montajê, klîb li bajarê Dêrikê kişandin.

Di klîba 'Canción sin miedo' de ku bi Kurdî tê wateya wêrekiyê, li pişt qertên ku gotinên stranê hatin nivîsandin wêneyên Nagîhan Akarsel hatin bicihkirin. Di klîbê de her wiha di destê zarokekî de wêneyê Nagîhan Akarsel heye.

Gotinên stranê bi vî rengî bi dawî dibin: "Ji bo jinên li Rojava şer dikin, ji bo hevrêyên li çiyê şer dikin, ji bo jinên girtî, ji bo gerîlayên şoreşger, em bêtirs distirên. Ji bo edaletê pêk bînin, ji bo her yeka ku ji me kêm dibe em diqîrin. Bihêle bila bi dengekî bilind deng vede: Em dixwazin sax bin. Cîhan wê biheje, îro ji bo te hevrê Zîlan, cîhan wê biheje ji bo te hevrê Zîlan."

Endamên Akademiya Lêkolînê ya Jineolojiyê li ser armanca weşandina stranê ji ANF'ê re axivîn.

Jiyan Bengî ya ji Başûrê Emerîkayê anî ziman ku armanc ji stranê tenê bîranîn nîne û got, "Ji Bakur heta Rojhilat û Başûr gelek lêgerînên ji bo azadiyê hene. Jinên têkoşer têne qetilkirin û êdî ev gihîştiye asteke ku asayî bê dîtin. Li cîhaneke ku ewqas tundî, bêedaletî û destavêtin heye, nerazîbûn nayê nîşandan."

ME BI STRANÊ NÎŞAN DAN KU TUNDÎ HÎN JÎ HEYE

Jiyan Bengîn bi dewamî diyar kir ku li hemberî têkoşîn û berxwedana jinan bêdengiyeke kûr heye û got, "Êrîşên li dijî jinê mîna bûyereke rojane ye têne dîtin û hewl didin ku berxwedana jinan bidin jibîrkirin. Ya rast, tabloya heyî cihê metirsiyê ye. Çima ewqasî êrîş li jinan tê kirin? Bi vê stranê me bal kişand ser wê yekê ku tundî hîn jî heye."

DI ŞEXSÊ ŞEHÎD ZÎLAN DE DIYARÎ ŞEHÎDÊN ŞOREŞÊ YÊN CÎHANÊ HATE KIRIN

Xweza Debîn a Spanî jî got, "Yekane sedema komkujiyan nasnameya jinê ye. Şehîd Zîlan endama Akademiya Jinolojiyê bû. Jineolojî ji bo jinê xweparastin e. Di şexsê Şehîd Zîlan de êrîş li ser mekanîzmaya xweparastinê ya jinê hate kirin. Me stran di şexsê Şehîd Zîlan de ji bo jinên hatin qetilkirin hemûyan gotin."

Gotinên stranê bi vî rengî ne:

Canción sin miedo por las sehids
Soy Claudia, soy Esther y soy teresa
Soy Ingrid, soy Fabiola y soy Valeria
Soy Jina soy Nika y soy Sarina
Soy Zîlan, soy Hêlîn y Alina
Soy la niña que subiste por la fuerza
Soy la madre que ahora llora por sus muertas
Y soy esta que te hará pagar las cuentas
¡Justicia! ¡Justicia! ¡Justicia!
Por todas las yades luchando en Rojava
Por todas las compas peleando en montañas
Por tantas mujeres, encarceladas
Por las guerrilleras, revolucionarias
Cantamos sin miedo, hacemos justicia
Gritamos por cada desaparecida
Que resuene fuerte: ¡Nos queremos vivas!
¡Que caiga con fuerza el feminicida!
¡Que caiga con fuerza el feminicida!
Y retiemblen sus centros la tierra
hoy por ti compañera Zilan
Y retiemblen sus centros la tierra
hoy por ti compañera Zilan