Rêxistina SKB’ê ya Belçîkayê kampanyaya “Fîgen Yuksekdag teslîm nabe. Îradeya jinê nayê bêdengkirin” da destpêkirin. Navenda Civakî ya Kurd, FEDA û Yekîtiya Ermeniyên Demokrat piştgirî dan çalakiyê.

Di çalakiyê de li ser navê SKB’ê bi Fransî daxuyanî hat xwendin û belavok hatin belavkirin.

Di daxuyaniyê de ya li ser navê SKB’ê ev tişt hate gotin: “Heke tişta ku Yuksekdag kiriye sûc be, em jî bi serbilindî dibêjin ku em jî hevkarên vî sûcî ne. Em ê li hemberî dîktatoriya yekzilamiyê têkoşîna xwe bidomînin. Heta ku parlementera me Fîgen azad bibe, em ê têkoşîna xwe bidomînin.”