Jina ciwan a Kurd Jîna Emînî li Tehranê ji hêla “polîsên exlaqê” yên rejîma Îranê ve hatibû qetilkirin. Bi qetilkirina Emînî re di serî de li rojhilatê Kurdistanê, li seranserî Îranê bi pêşengtiya jinan çalakî hatibûn destpêkirin û ev çalakî hêj berdewam in. Bi mebesta piştevaniya bi berxwedanê re, jinên Tirkiyeyî li ser hesaba bi navê “Stand with Women of Iran – Turkey” peyamên piştevaniyê parve kirin. Di vê çarçoveyê de gelek sînamegerên jin ên Tirkiyeyî jî vîdeo parve kirin û piştgirî dan berxwedana li Rojhilat û Îranê.

Fûsûn Demîrel, Nûr Surer, Tulîn Ozen, Burcu Bîrîcîk, Melîs Bîrkan, Ayça Damgaci, Ceren Moray, Damla Sonmez, Melîsa Sozen û Canan Erguder jî di nav de, gelek sînemageran bi zimanên Tirkî, Kurdî, Farisî, Erebî, Ingilîzî, Îtalî, Elmanî û Spanî peyam parve kirin û piştgiriya xwe ya bi berxwedana jinên Îranî re ragihandin.

Vîdeo, dema lîstikvan Gokşen Ateş pora xwe jê dike dest pê dike û di berdewamê de jî sînemagerên jin navê Jîna’yê dibêjin. Her wiha di dîmen de dirûşma “Jin, jiyan, azadî” ku bûye sembola berxwedana jinên Kurd tê berzkirin.