Tevî hemû astengiyên polîsan jî Meclîsên Jinan ên li Meydana Îskele ya Kadikoyê hatin cem hev û bi performansa dansê ya bi derxistina dengê firaxan çêkirinî re krîza aborî û zêdebûna fatûreyên elektrîkê protesto kirin.

Polîsên ku beriya çalakiyê bi saetan qada sîteyê bi bariyeran girtibûn, nehiştin jin bi firaxan bikevin qadê.

Çalakgerên ku bi şapikên keskesor ku bi jinan re bûn, bi gotina "zilam nikare bikeve wir" destûr nehat dayîn ku bikevin qadê.

HIŞYARÎ HIŞYARÎ JIN DIAXIVIN

Jinên ku ev pêkanînên keyfî qebûl nekirin, tevî astengkirina polîsan û anonsên mudaxeleyê yên polîsan, gelek caran bi strana ‘Lêxe Lêxe” û performansa dansê ya ku bi lêdana kevçî û tebaxan çêdikirin, krîza aborî û fatûreyên bilind şermezar kirin.

Li hemberî anonsên midaxeleyê yên polîsan ên wekî  “Hişyarî hişyarî, polîs diaxivin" Sekretera Giştî ya Platforma Em ê Cînayetên Jinan Rawestînin Fîdan Ataselîm bi gotina "Hişyarî hişyarî, jin diaxivin. Memûrên polîs hûn qanûna bingehîn binpê dikin" bersiv da û bertek nîşanî astengkirina anîna firaxan a ji bo qadê da.

Ataselîm, anî ziman ku ew firax û tencereyên ku di destên wan de ne, sembola krîza aborî ye û got ku niha ev firax li malan vala ne.

Ataselîm bi bîr xist ku di şert û mercên qeyrana aborî de jî daxuyaniyên wan hatine astengkirin û destnîşan kir ku weke jin ew ê rê nedin van pêkanînên kêyfî.

Ataselîm her wiha got, "Li şûna ku li pêşberî jinan rawestin, li pêşberî patronên ku kedkaran dişêlînin û zilamên ku tundiyê li jinan dikin, bisekinin."

Tevî dorpêça polîsan û anonsên destwerdanê, jinan bi performansa dansê ya ku bi lêxistina li firaxan çêdikirin ya bi gelek caran pêşkêş kirinî re rê li ber belavbûyîna girseyî ya jinan hate girtin.

Dema jin ji aliyê polîsan ve hatin dorpêçkirin, endamên çapemeniyê yên hewl dan wêneyan bikişînin bi zorê ji qadê hatin derxistin.

Piştî pêleke kin û alozî, jin bi girseyî belav bûn.