Li Kampusa Santralîstanbûl a Zanîngeha Bîlgiyê, jinan bi wesîleya 8'ê Adarê Roja Jinên Kedkar ên Cîhanê çalakiyek lidar xistin. Lê belê komek ji faşîstan tekbîr anîn û bi kêran êrîş kirin. Li gorî agahiyan ji ber vê êrîşê gelek jin birîndar bûne. Hat hînbûn, ev koma faşîst ji 20-30 kesan pêk dihat.

Xwendekaran piştî vê êrîşê, xwepêşandana protestoyî lidar xistin. Xwendekaran nerazîbûn nîşanî rêveberiyê da û diyar kirin, tevî ku beriya niha êrîşên bi heman rengî hatibûn kirin, ti tedbîrên ewlekariyê nehatiye girtin.

'EM Ê HESAB BIPIRSIN'

Rêxistinbûna "Yeryuzu Kadinlari-Jinên li ser rûyê erdê" daxuyaniyek li ser mijarê da û got, "Faşîstan êrîşî çalakiya 8'ê Adarê ya li Zanîngeha Bîlgî kirin. Hevalên me birîndar bûn. Koma ji 30-40 zilamên faşîst bi tekbîran ketin hundirê kampusê û êrîş kirin. Em ê hesab ji vê zîhniyeta êrîşkar bipirsin."