Ji bo rakirina tecrîda li ser Rêberê Gelê Kurd Abdullah Ocalan, Hevseroka KCD’ê û Parlementera Colemêrgê ya HDP’ê Leyla Guven dest bi greva birçîbûnê kiribû. Li Wanê jî Dayikên Aştiyê û çalakgerên TJA’yê jî di nav de 14 jin hatin destgîrkirin yên ku ji bo rakirina tecrîda li ser Rêberê Gelê Kurd Abdullah Ocalan û ji bo piştgiriya Leyla Guven ketibûn greva birçîbûnê. Vê sibehê saet di 05.00’an de polîsan girte ser çalakiya greva birçîbûnê.

14 jinên li avahiya bajêr a HDP’ê piştî ku hatin destgîrkirin birin Gerînendetiya Emniyetê ya Bajêr.

Di serdegirtinê de ev kes hatin destgîrkirin:

“Cazîye Dûman, Eylem Oklû, Behîce Abî, Zekiye Kaya, Dîlan Yildiz, Neslîhan Şedal, Hatîce Akdag, Nesîbe Akdag, Eda Ûmaç, Leyla Boge, Hediye Kaçak, Kewê Kaçak, jinên bi navê Besra û Kûdret ên ku paşnavê wan nehate hînbûn.”