Li bajarên Stockholm, Orebro, Lînkopîng, Motala û Norkopîngê Duşemê jin daketin qadan û tundiya mêr şermezar kirin. Jinan bang li hikumetê kirin ku tundiyê asteng bike.

Li paytext Stockholmê der barê tundiya li jinê panel û konferans pêk hatin. Her wiha xwepêşandana şermezarkirinê hebû.

Xwepêşandan li meydana Hotergetê bi pêşengiya Însiyatîfa Femînîst êvarê pêk hat. Wêneyên Sakîne Cansiz, Fîdan Dogan û Leyla Şaylemez jî di nav de wêneyên jin ên hatin qetilkirin li pêlikên li qadê hatin bicihkirin û find hatin pêxistin.

Bi navê Meclîsa Jinan a Amara û Yekîtiya Jinan a Sara Scapa Erîcsson axivî û destnîşan kir ku çavkaniya tundiya li jinê sîstema kapîtalîst û baviksalarî ye.

Tevî xwepêşandana li Stockholmê her wiha der barê tundiya li jinê panel û konferansek jî pêk hat.