Belûciyên li Pakistanê li dijî kiryarên kuştinê yên hêzên dewletê li ser piyan e.

Piştî ku ciwanek li bajarokê Tûrbat ê Belûcistanê beriya çend hefteyan ji aliyê polîsan ve hate kuştin, di 6'ê Kanûnê de xwepêşandanên şermezarkirinê destpê kirin.
 

Hevser, xwişk û keçên kesên li eyaleta Belûcistanê hatin windakirin li seranserê welêt rabûn ser piyan.

Dest bi rêwîtiyeke bi 2 hezar kîlometreyî kirin û xwe gihandin paytext Îslamabadê.

Di hemû bajarên mezin de yên jê derbas bûn, xwepêşandan hatin lidarxistin.

Lê belê polîsên Pakistanê bi tundî dest li xwepêşandêran werdan û herî kêm 200 kes binçav kirin.

Li herêmên cuda yên Belûcistanê ku têkoşîna serxwebûnê tê meşandin bi hezaran mêr hatin windakirin û piştre cesedên wan hatin dîtin.

Aktîvîst û malbatên qurbaniyan, servîsa veşartî û artêşa Pakistanê ji van bûyerên kuştinê berpirsyar dibînin.