Li Meksîkayê çalakiyên gel ên li dijî komkujiyên jinan û bêcezahiştina kiryaran, dewam dikin. Herî dawî di dawiya hefteyê de 2 jin hatin kuştin. Çalakiyên ku ji ber vê yekê dest pê kir mezin dibin.

Li bajarê Cancûnê bi sedan kes daketin qadan, lê belê ji ber êrişa polîsan a bi çekan 4 kes birîndar bûn.

Waliyê Eyaleta Qûîntana Roo Carlos Joaqûîn Gonzalez jî êrişa polîsan şermezar kir.

Carlos ji qenala nûçeyan a Televîsa re axivî û diyar kir ku polîsan guh nedane fermana wî ya ji bo bikarneanîna çekan a li hemberî çalakgeran.

Rayedarên polîsên xwecihî îdîa kirin ku fîşekên plastîk hatine bikaranîn, lê walî ragihand ku fîşekên rastî hatine bikaranîn û wezîfeya midûrê emniyetê hatiye rawestandin.

Serokdewletê Meksîkayê Andres Manûel Lopez Obrador û Wezareta Karên Hundir ji bo lêpirsîna bûyerê ferman dan.

Şaredara Cancûnê Mara Lezama jî helwesta polîsan şermezar kir.