Ji bo yekemîn salvegera qetilkirina keça Kurd Jîna Emînî ji aliyê polîsên Îranê ve, bi pêşengtiya komîteya Jin, Jiyan, Azadî ya Belçîkayê, peykera Jîna Emînî li parka şaredariya taxa Woluwe St-Pîerre ya li paytexta Belçîkayê Brûkselê danîn. Komên çepgir, alîgirên demokrasî û aştiyê ji bo Îran û komek Kurdistanî beşdarî merasîma danîna peykerê bûn.

Li ser navê şaredariyê wiha hate gotin: “Em bi danîna peykera jinek Kurd li taxa xwe serbilind in. Ji ber ku Jîna Emînî sembola serhildan û şoreşa, Jin, Jiyan, Azadî ye. Ji bo me cihê serbilindiyê ye.”

Her wiha di dema merasîma danîna peykerê de hin çalakvanên siyasî jî peyamên piştgiriyê dan.

Piştî danîna peykerê pifdankên kesk-sor-zer berdan hewayê.