Bi vê armancê li avahiya DBP'ê ya bajêr çalakiyeke şermezarkirinê hate lidairxistin.

Ji Dayikên Aştiyê Leyla Dûman li vir axivî û got, "Birêz Ocalan li hemberî îşkenceya herî mezin a dîrokê li ber xwe da. Di heman demê de, di nava 18 salan de rêya hemû bindestan ronî kir û ji wan re bû rêya zadî û rizgariyê."

Dûman bibîr xist, ku Ocalan di sala 2015'an de li ser mekanîka darbeyê hişyarî da bû û piştî wê bi sal û nîvekê di 15'ê Tîrmehê de hewl hat dayîn darbe bê kirin.

Dûman da xuyakirin, ku her gotina Ocalan gelekî girîng e û got, "Lewma em dixwazin tecrîda li ser Birêz Ocalan bê rakirin. Em komploya 15'ê Sibatê şermezar dikin, ku gelê Kurd vê rojê weke 'roja reş' dibîne û Rêberê Gelê Kurd Abdullah Ocalan jî weke 'roja qirkirina Kurdan' bi nav dike."

Dûman destnîşan kir, ku Ocalan ev 18 sal in di hucreyekê de ji bo aştî, azadî û demokrasiyê têdikoşe û ew ê vê têkoşîna wî bi ser bixînin.