Jinên Kurd ên li herêma Stavrapolê ya Rûsyayê, bi wesîleya pêngava 'Bes e ji tecrîd, faşîzm, dagirkeriyê re; dem dema azadiyê ye' daxuyaniyek dan.

Bi navê TJKN'ê Maloyeva Zweda û Bazûyeva Hasret daxuyanî dan û diyar kirin ku ti zemîneke hiqûqî ya tecrîda girankirî nîne û ne ya qebûlkirinê ye.

Di daxuyaniyê de hate bibîrxistin ku jinên Kurd ji destpêka têkoşîna azadiyê ve bi rola pêşengiyê radibin û têkoşîna xwe bênavber dewam dikin.

Di daxuyaniyê de êrişên hovane yên dewleta Tirk ên li ser gelê Kurd hatin bibîrxistin û hate destnîşankirin ku gelê Kurd tenê bi hêza xwe dikarin li ber êrişan rabin û bi ser bikevin.

Bi navê jinên Kurd ên li Rûsyayê hate ragihandin ku ew piştgiriyê didin pêngava 'dema azadiyê' ya KCK'ê û wê çalakiyên xwe heta azadiya Rêberê Gelê Kurd Abdullah Ocalan bidomînin.