Di panela ku nêzî 100 kes beşdar bûn de Hevseroka Giştî ya PAZEM'ê Fîdan Can axaftina vekirinê kir.

Hevseroka FEDA Hurî Kabayel ku weke axaftvan beşdarî panelê bû diyar kir ku, ji ber erdheja îsal wan çalakiyên 8’ê Adarê bi xemgînî derbas kirine. Kabayel bal kişand ser xebatên hevpar ên FEDA û MARDEF'ê û her wiha îşaret bi girîngiya berfirehbûna rêxistinbûna jinan a li Fransayê kir.

Berdevka Yekitiya Jinên Elewî ya Demokratîk a Ewropayê Songul Morsûmbûl Tarhan jî diyar kir ku jinên ku 9'ê Adarê afirandine, parçeyeke girîng a têkoşîna jinan e.

Da zanîn ku baweriya Elewî di nava baweriyê de newekheviya zayendî derbas dike, lê pêwîstiyên ruhbûnê ji aliyê zîhniyeta serdest a mêr ve tê windakirin û destnîşan kir ku li hemberî vê yekê divê hevgirtina jinan bê zêdekirin.

Piştre panel bi pirs û bersivan berdewam kir.

Çalakî ji bo bîranîna kesên di erdhejê de jiyana xwe ji dest dane bi peyvîn û bi gerandina semahiyê bi dawî bû.