Di hemû çalakiyên 8’ê Adarê de, êrîşên dewleta Tirk a dagirker a li ser Efrînê hat protestokirin û peyama piştgiriyê ya ji bo jinên Kurd hate dayîn.

Îsal jî kampanyaya “Bila jinek din kêm nebe” li welatên Başûrê Amarîka bi awayek berfireh bû mijara gotinê û jin neçûn kar tevlî meşa 8’ê Adarê bûn.

Bi tevilbûna hezaran jinan li Buenos Aîresê meşek hat lidarxistin. Piştî meşê, cihê mîtîngê bi alên KJK û YPJ’ê hate xemilandin.

Di çalakiya 8’ê Adarê ya li bajarê Cordoba hatî lidarxistin de, rêxistina Jinên Kurd û berxwedana Efrînê hate silavkirin.

Li Paraguay jî Jinên Kurd, li gel piştgiriya kolektîfê û gelek rêxistinên jinan tevlî meşê bibûn, alên YPJ’ê û alên rêxistina Jinên Kurd, wêneyên kesên sivîl ên di êrîşên dewleta Tirk de hatibûn qetilkirin hatin bilidindkirin.

Li bajarê Sao Paulo a Brezîlyayê jî jinên Kurd peyama piştgiriya Berxwedana Serdemê dan. Di meşê de wêneyên şervanên YPJ’ê yên di Berxwedana Serdemê de şehîd ketîne hatin bilindkirin.

Di çalekî û meşan de deklerasyona KJK’ê jî bi awayek berfereh cih girt

Di 8’ê Adarê de jinên li Kolombiya, Paragua, Cordobadan û Buenos Aîresê, di aktivîteyên 8’ê Adara îsal de peyamên têkildarî jinên Kurd û şerê li Efrînê hatine dayîn.

Femînîstên Abla Yalayê jî peyam belavkirin, jinan têkoşîna Berta Caseres a sala 2015’an li Hondûrasê hatibû qetilkirin û Sakîne Cansizna kiriye yek.