Li Paytexta Fransa Parîsê ku di 9'ê Çileya 2013'an de yek ji Damezrênera PKK'ê Sakîne Cansiz, Nûnera KNK'ê ya Parîsê Fîdan Dogan û Endama Tevgera Ciwanan Leyla Şaylemez hatibûn qetikirin û her roja Çarşemê bi daxwaza derxistina berpirsan, îro jî çalakiya adaletê hat lidarxistin.

Kurdistaniyan bi tevlîbûna Endamên SKB û Parlamentera HDP'ê ya Wanê Tûba Hezer, ber bi avahiya Borûya Enformasyon a Kurdistanê ku her 3'ê jinên şoreşger lê hatibûn qetilkirin ve meşiyan.

Di meşê de bê navber dirûşmeyên 'Em adaletê dixwazin', 'Em hemû Sakîne, Fîdan û Leyla ne' hatin berzkirin.

Li ber avahiya Borûya Enformasyon a Kurdistanê ji bo 3'ê jinên şoreşger ku hatibûn qetilkirin deqeyek rêzgirtin hat girtin. Çalakgeran bang li edaleta Fransa kir ku rastiyan derbixînin holê û çalakiya xwe ya vê hefteyê bi dawî kirin.