Hat hînbûn ku duh li bajarê Sine yê Rojhilatê Kurdistanê, hêzên Îttîlaata Îranê (îstîxbarat) çalakvana mafê jinan Hacer Seîdî ji bo lêpirsînê vexwendin navenda îttîlaatê ya bajarê Sine û piştî lêpirsînê ji bo ku tevlî ti karekî der barê mafên jinan nebe gef lê xwarine.

Her wiha hat zanîn ku divê Seîdî her 4 mehan carekê biçe navenda îttîlaatê û bibêje ku li wir e.

Çalakvana jin Hacer Seîdî Hezîran 2021'ê ji aliyê hêzên Îranê hatibû destgîrkirin û di dadgehê de cezayê 5 sal girtîgehê lê hatibû birîn ku ji bo 4 salan hat taloqkirin.