Girtiyên ji doza PJAK'ê yên li Girtîgeha Jinan a Karataşê, bal kişandin ser çalakiya gireva birçîbûnê ya 33 rojin li 2'yemîn Girtîgeha Tîpa F a Tekîrdagê û wiha gotin: "Divê demildest daxwazên hevalên me bên qebûlkirin. Ango em li hebrî vê yekê wisa bêdeng namînin û em dê serî li çalakiyên cuda bidin. Divê hemû raya giştî vê yekê zanibin."

Girtiyên PJAK'î yên li Girtîgeha Jinan a Karataşê, têkildarî çalakiya gireva birçîbûnê ya ji aliyê 19 girtiyên PKK'î û 2 girtiyên ji doza Biryargeha Şoreşgerî di 25'ê adarê de dan dest pê kirin daxuyaniya nivîsîkî weşandin. Di daxuyaniyê de hate diyarkirin ku 21 hevalên wan 33 rojin li Girtîgeha Tîpa F a Tekîrdagê di çalakiya greva birçîbûnê ya bêdem û dorveneger de ne.

Di daxuyaniyê de hate bilêvkirin ku bi salane li Girtîgeha Tekîrdagê binpêkirinên mafên mirovan di rojevê de ye û hevalên wan rastî pêkanînên dijmirovahî, rûmet şikandin û faşîst tên. Di daxuyaniyê de hate destnîşankirin ku daxwazên hevalên wan, daxwazên herî mafdar in û wiha hate gotin: "Di serî de Wezareta Dadê û aliyên din ên hikûmetê li hemberî vê yekê bêdengin me li hemberî gotinên çareserî, aştî û demokrasiyê bi guman dike. Rastiya di serî de Girtîgeha Tekîrdag û hemû girtîgehên Tirkiye û Kurdistanê û çalakiya greva birçîbûnê ya bêdem û dorveneger a 33 rojan û gotinên çareserî û aştiyê li cem hev bêwate ne."

'EV NAKOKÎ YE'

Di daxuyaniyê de hate gotin, "Em dibêjin, ev nakokiyekî mezin e" û hate diyarkirin ku rewşa heyî li dijî pêvajoya çareseriyê provokasyon e û wiha hate destnîşankirin: "Gelo girtîgeh di kontrola hikûmetê de derketin e?" Di daxuyaniyê de hate bilêv kirin ku girtiyên PAJK'î yên li Girtîgeha Jinan a Karataşê piştgiriyê didin çalakiya hevalên xwe yên li Girtîgeha Tekîrdagê û wiha hate destnîşankirin:

 "Divê demildest daxwazên hevalên me bên qebulkirin. Heke daxwazên wan neyên qebulkirin û çalakî bi dawî nebe em tenê piştgiriya xwe bi gotinan nabîne. Divê hemû gelê me çalakiyên xwe bilind bikin û raya giştî li hemberî vê yekê bi hestiyar bibe."