Li Uskudarê di 27’ê Mijdarê de Asiye Aykan a HDP’yî ji aliyê mêrê xwe Yilmaz Aykan ve hatibû qetilkirin. Aykan îro hate veşartin. Di dema veşartine cenaze de mêran şîddet li jinan kir. Jin bi pêşengiya Meclîsa Jinan a HDP’ê hatin camiyê û mêran jin ji ser cenaze dûr xistin. Piştre jî mêran destûr nedan ku jin tabûtê hilgirin. Li vê derê kesekî ku xizmê Asiye Aykanê bû bi ser jinan meşiya û çêrên zayendî kir.

Jinan li dijî hemû provakasyonan bi paş ve gav neavêtin û xwedî li cenaze derketin. Piştî veşartina cenaze Hevseroka Navçeya Uskudarê ya HDP’ê Gulistan Kan diyar kir ku jin ji çek û pêkutiyan natirsin. Kan diyar kir ku çapemeniya mêrserwer rastiyan berevajî dike û medya hewl dide kujer biparêze.

Kan diyar kir ku ew ê heta dawiyê vê dozê bişopînin û ew ê bêdeng nemînin.