Di sala 2011’an de piştî pîrozbahiya Newroza li Êlihê xelkê ber bi navenda bajêr ve meş li dar xistibû. Polîsan êrişî meşê kiribû. Menîşe Îş hatibû destgîrkirin û piştî îfade dabû dadgeriyê hatibû berdan. Dadgeha Cezayê Giran a 1’emîn a Êlihê bi îdiaya “Ne endama rêxistinê ye, li ser navê rêxistinê sûc kiriye” doz lê vekiribû. Dadgerê piştî darizandinê 3 sal û 9 meh cezayê zîndanê li Menîce Îş birîbû. Dadgeha Bilind cezayê Menîce Îş pejirand. Polîsan 6 meh berê bi ser mala Îş de girtibû û ew destgîr kiribû û ji ber ku zarokên wê biçûk bûn 6 meh ceza hatibû taloqkirin.

Menîce Îş di 4’ê kanûnê de di serdegirtina mala xwe de hat destgîrkirin û sewqî Edliya Êlihê hat kirin. Îş ji aliyê dadger ve hat girtin û ew şandin Girtîgeha Êlihê ya Tîpa M.

Menîce Îş dayika sê zarokan e û zarokek hêj yek salî ye. Her wiha hat destnîşankirin ku nexweşîna kronîk a dil bi Menîce Îş re heye.