Dayika Şemiyê Elmas Eren ji bo aqûbeta kurê xwe Hayrettîn Eren ku 20’ê Mijdara 1980’an li Stenbolê hatibû destgîrkirin û piştre hatibû windakirin, bipirse 39 salan têkoşiya li mala xwe ya li Avcilarê ji ber nexweşiyê rehmet kiribû. Cenazeyê Eren bi merasîmekê hate veşartin.

Dayikên Şemiyê, Parlamenterê Partiya Demokratîk a Gelan (HDP) Ahmet Şik û Fîlîz Keretecîoglû, Parlamenterê Partiya Gel a Komarê (CHP) Sezgîn Tanrikûlû, Alî Şekre, Ûtkû Çakirozer, Seroka CHP’ê ya Bajarê Stenbolê Canan Kaftancioglû, Serokê Şaredariya Adalar a CHP’ê Erdem Gul, Serokê Şaredariya Avcilar Tûran Hanerçî û gelek rojnamger û nûnerên STK’ê beşdarî merasîma cenaze bûn.

Nimêja cenazeyê Eren li Mizgefta Hacî Osman a li Avcilarê hate kirin û ji bo veşartinê cenaze birin Goristana Nû ya Kuçukçemecê. Li goristanê cenazeyê Eren ji aliyê heskiriyên wê ve hate veşartin.