Di çarçoveya pêngava 'Azadî ji Abdullah Ocalan re, Çareseriya Siyasî ji Pirsgirêka Kurd re' ku di 10'ê Cotmehê de hatibû destpêkirin, bertekên li qada navneteweyî ya li dijî tecrîda li ser Rêberê Gelê Kurd Abdullah Ocalan ku 3 sal in tu agahî jê nayê girtin, dewam dikin.

Ji ber bêçalakbûna Komîteya Pêşîgirtina li Êşkenceyê (CPT) ku dikare biçe Îmraliyê, bangên bibîrxistina berpirsiyariyên CPT’yê belav dibin.

Di rojên derbasbûyî de ji bo balê kişandina ser şert û mercên tecrîda li ser Rêberê Gelê Kurd Abdullah Ocalan û bibîrxistina berpirsyariyên CPT’yê, bi îmzeya bi dehan parlementer, partiyên siyasî, nûnerên sendîkayan, hiqûqnas û rewşenbîran ji aliyê Komîteya Dema wê Hatiye ji Ocalan re Azadî ya Îtalyayê ve ji Serokê CPT Dr. Alan Mitchell re name hatibû şandin.

Di 29’ê Gulanê jî di nameya ku ji aliyê Serokê Koma Tifaqa Çep a Keskan Luana Zanella ve hat nivîsandin û îmzeya 11 parlementerên Parlementoya Neteweyî û 5 senatoran hebû de hat xwestin ku CPT demildest şandeyek ji Îmraliyê re bişîne.

'DEMILDEST ŞANDEYEK JI ÎMRALIYÊ RE BIŞÎNIN’

Serokê Koma Tifaqa Çep a Keskan Luana Zanella di nameyê de wiha got: “Em nameya bangawaziyê ku ji aliyê Komîteya Dema wê hatiye ji Ocalan re Azadî ve hatiye destpêkirin û daxwaz dike ku ji bo ji rewşa Birêz Abdulah Ocalan agahdar bibe CPT demildest şandeyek bişîne Îmraliyê ji we re dişînin. Şert û mercên ku Birêz Ocalan di nav de ye ji bo me mijareke fikarê ya cidî ye. Ji ber tecrîda mutleq tu kes agahî ji Birêz Ocalan nagire. Di vê çarçoveyê de em dixwazin daxwazên di nameyê de li ber çavan bê girtin û demildest şandeyek ji Îmraliyê re bişînin.”

Îmzevan:

Angelo Bonelli, Portavoce nazionale Europa Verde, deputato Alleanza Verdi Sinistra

Nicola Fratoianni, Segretario nazionale Sinistra Italiana, deputato Alleanza Verdi Sinistra

Luana Zanella, Presidente del Gruppo Alleanza Verdi Sinistra alla Camera

Peppe De Cristofaro, Presidente Gruppo Misto al Senato - Senatore Alleanza Verdi Sinistra

Marco Grimaldi, Vice Presidente del Gruppo Alleanza Verdi Sinistra alla Camera

Francesco Emilio Borelli, Deputato Alleanza Verdi Sinistra

Ilaria Cucchi, Senatrice Alleanza Verdi Sinistra

Devis Dori, Deputato Alleanza Verdi Sinistra

Francesca Ghirra, Deputata Alleanza Verdi Sinistra

Aurora Floridia, Senatrice Alleanza Verdi Sinistra

Tino Magni, Senatore Alleanza Verdi Sinistra

Francesco Mari, Deputato Alleanza Verdi Sinistra

Elisabetta Piccolotti, Deputata Alleanza Verdi Sinistra

Filiberto Zaratti, Deputato Alleanza Verdi Sinistra

Massimiliano Smeriglio, parlamentare europeo Alleanza Verdi Sinistra. 

Her wiha ji aliyê Sekreterên Giştî yên Partiya Komunîst a Jinûve Avabûnê Maurizio Acerbo û Anna Camposampiero, Hevserokên Navenda Lêkolîn û Pêşvebirinê ya ji bo Demokrasiyê CRED Parêzer Michela Arrecale ve Fabio Marcelli, li ser navê Buroya Hiqûqê ya Progetto Diritti Parêzer Arturo Salernî, Hevseroka Yêkîtiya Hiqûqnasên Demokratîk a Navneteweyî Parêzer Aurora d’Agostino û rêveberên Sendîkaya Gel COBAS ve ji Serokê CPT Dr. Alan Mitchellê re nameyek hat şandin. Di nameyê de bal kişandin ser şert û mercên tecrîda li ser Abdullah Ocaln û banga demildest çûyîna CPT’yê ji Îmralyê re hat kirin.