Li Hambûrgê bi hezaran kesî ji bo protestokirina tecrîdkirina Rêberê Gelê Kurd Abdullah Ocalan û balkişandina li ser çalakiyên grevên birçîbûnê yên ji bo ewlehî, tenduristî û azadiya Ocalan çalakiyek lidarxist. Di çalakiyê de êrîşên dagirkeriyê yên dewleta Tirk ên li dijî Rojava jî hate protesto kriin.

Meş ji aliyê NAV-DEM û bloka antî faşîst ve hate organîzekirin. Girseya gel li Sternschanze BF’ li hev civiyan beriya meşê ji bo bîranîna şehîdan deqîqeyek rêz girtin.

Parlamenterê Parlamentoya Federall Zaklîn Nastîc axivî û got; “Êrîşên dewleta Tirk ên lid ijî Rojava nayê qebûl kirin. Em ê her tim li gel têkoşîna mafdar a gelê Kurd bin.”

Piştî axaftinê girseya gel bi alên YPG/YPJ’ê meşiyan.

Girseya gel pankarta “Piştevaniya bi şoreşa Rojava re”, “Şoreşa Rojava şoreşa hemû mirovahiyê ye” û “Divê tecrîda li ser Ocalan bi dawî bibe” hildan û bê navber dirûşmeyên “Dîktator Erdogan”, “Bijî piştevaniya şoreşger” û “Bijî şoreşa Rojava” berz kirin.

Welatiyên Elman jî beşdarî meşê bûn û ciwanên Kurd di meşê de gelek belavok belav kirin. Meş li pêşiya Parlamentoya Hambûrgê bi dawî bû.