Senatorên Baskê pirsa 'Îmraliyê' li hikumeta Spanyayê kirin
Senatorên herêma Baskê pêşnûme pirsek pêşkêşî hikumeta li Madrîdê kirin û bal kişandin ser rewşa Rêberê Gelê Kurd Abdullah Ocalan.
Senatorên herêma Baskê pêşnûme pirsek pêşkêşî hikumeta li Madrîdê kirin û bal kişandin ser rewşa Rêberê Gelê Kurd Abdullah Ocalan.
Di pêşnûme pirsê de ku ji aliyê Dîrektorê Departmana Têkiliyên Navneteweyî ya ji Partiya Serxwebûnê ya Baskê Gorka Elaejabarrîeta Dîaz û Josû Estarrona Elîzondo ve hate pêşkêşkirin, hate bibîrxistin ku ji 25'ê Adara 2021'ê û vir ve ti têkilî bi Abdullah Ocalan re nehatiye danîn.
Senatoran li gorî xalên 160 û 169'an ên Rêziknameya Navxweyî ya Meclîsê bersiva nivîskî ji hikumetê xwestin, bal kişandin ser şert û mercên girtîgeha Îmraliyê û gotin, "Li Îmraliyê di nava 25 salên dawî de rejîmeke tund heye."
Di pêşnûme pirsê de ji hikumetê hate xwestin ku bersiva van pirsan bide:
- Haya hikumetê ji rewşa Abdullah Ocalan heye?
- Dîplomasiya Spanyayê, têkildarî rewşa tenduristiyê ya lîderê Kurdan Abdullah Ocalan ku 25 sal in li girtîgeha Îmraliyê bi rengekî siyasî girtî ye, xwedî agahiyekê ye yan na?"