Sazî û partiyên Kurdistanî li dijî sûcên şer ên Tirk bang li YE’yê kirin

ANF
NAVENDA NÛÇEYAN
pêncşem, 10 berfanbarê 2020, 09:33

Partî û Saziyên Kurdistaniyên li Ewropa bi daxuyaniyekê bal kişand ku divê Yekîtiya Ewrupayê (YE) sûcên ku dewleta tirka li ser Kurdan pêkaniye çavê xwe lê negire.

Daxuyaniya partî ûsaziyan wiha ye:

“Lîderên Yekîtiya Ewrupayê, 10-11’ê Kanûnê li Brûkselê, di civîna lûtkeya bilind de bi giranî ew ê têkiliyên li gel Tirkiyeyê bi nirxînin û ji bo çalakiyên ku li Derya Spî pêkaniye, ceza lê bibirin an nebirin, nîqaş bikin.

SÛCÊN DEWLETA TIRK BIKIN ROJEVA

Li gorî daxwiyaniyên sazî û nûnerên fermî yên yekîtiyê ku dane raya giştî, mijara sereke ya rojevê ya li ser Tirkiyeyê, ew ê çalakiyên ku li Derya Spî hatine kirin be. Em, partî û saziyên bi îmzeyên xwe navên me li jêr in, vêna ne têr û ne ji dil dibînin. Em bang dikin ku divê Yekîtiya Ewropayê, di vê civîna xwe ya bilind a di Roja Mafên Mirovan a Gerdûnî pêktînin de, sûcên ku dewleta Tirka li ser gelê Kurd daye meşandin bixin rojeva xwe û li goreyî vêna hilwestek rêzdar destnîşan bikin!

‘EGER YE SÛCÊN ŞER NEKE ROJEV TÊ WATEYA XELATKIRIN POLÎTÎKAYÊN TIRKIYE YA LI KURDAN’

Yekîtiya Ewropayê, eger ew sûcên şer, binpêkirina mafên mirovan ên li ser Kurdan hatiye kirin û bi berfirehî, him di raporên Komisyona Mafê Mirovan a Sûriyeya Neteweyên Yekbûyî de him di rojevên Rêxistina Efûya Navneteweyî û Rêxistina Şopdarê Mafên Mirovan de hatine diyarkirin, nexe rojeva xwe, wê wextê tê wateya ku Tirkiyeyê, ji ber wan polîtîkayên xwe yên li dijî mirovahiyê yên li Iraqê, li Sûriyeyê û li hundur dide meşandin xilatdar dike, ku ev ê jî wijdana mirovahiya cîhanê birîndar bike.

TALANA ÇANDÎ, MÎRATÎ Û ETNÎKÎ

Tirkiyeyê, li ber çavên hemû cîhanê, bi çeteyên cîhadîst re, li Efrîn, Girêspî û Serêkaniya ku dagir kiriye, qirkirina etnîkî pêkaniye, li van deveran hemû rûmetên çandî û dîrokî talan kirine.

Her wiha, piştî dagirkirinê li van deveran, dest bi çalakiyên êşkence, destdirêjî-destavêtin, talan, revandina mirovan kirine û li ser gelê niştecih zulum meşandine.

TIRKIYE BÛYE ZINDANA ROJNAMEVAN Û SIYASETMEDARAN

Tirkiyeya di bin rêveberiya faşîst a AKP-MHP’ê de ye, ji bo rojnamevanan bûye weke zîndana herî mezin a cîhanê, parlementer û şaredarên Kurd ên hatine hilbijartin, bi fermanên Erdogan ên huqûq nenas ve hatine destgîrkirin.

Di serî de yên li bajarên mezin li şûna şaredariyên HDP’î qayûm hatine danîn, şaredarên hatine hilbijartin avêtine zîndanan, ji hinekan re bi deh salan ceza hatiye birîn.

‘DI ÊRÎŞÊN TIRK ÊN LI BAŞÛRÊ KURDISTAN Û IRAQÊ DE SIVÎL DIBIN QÛRBANÎ’

Li aliyê din êrîşên Tirkiyeyê yên li ser Kurdan û pêkanînên wan ên anti-demokratî, bi salane li Iraqê jî dom dike.

Arteşa Tirka, di van salên dawî de, bi êrîşên wan hewayî, li Herêma Kurdistana Iraqê, 28 sivîlan jiyana xwe ji dest dan û bi dehan sivîl birîndar bûn.

Li vir em dikarin hijmarên bê sînor mînakan bidin, weke me da xuyakirin, vana hemû di arşîvên Yekîtiya Ewropayê, Komisyona Ewropayê û Parlemena Ewropayê de hene.

‘LI DIJÎ SÛCÊN TIRK RABIN Û TEVBIGERIN’

Ji ber vê sedemê, em bang li serkirdeya Yekîtiya Ewropayê dikin da ku bi salane ew sûcên dewleta Tirka li dijî gelê Kurd dikir ji nedîtî dihatin, çavê xwe bavêjin van raporan û li goreyî armancên saziyên Yekîtiyê tevbigerin, li mafên mirovan û azadiyên bingehîn û demokrasiyê xwedî derkevin!

Em partî û saziyên Kurd ku bi îmzeyên xwe navên me li jêr in, bibîr dixin ku Yekîtiya Ewropayê bi ezmûnekê vê rûberû ye, em daxwaz dikin ku pêdiviyê wê pêkbîne!”

Navê partî û saziyên Kurdistanî yên li Ewrupa

YNK (Yektiya Niştimanî Kurdistan)
Tevgêra GORRAN
KCDK-E (Kongra Civaka Kurdistaniyan-Ewrupa)
TJK-E (Tevgêra Jinên Kurdistanê-Ewrupa)
Partiya ŞÛÎ Kurdistan Basur
Partiya Zahmetkêşan - Başûr
PADÊ (Partiya Azadî û Demokrasiya Êzîdiya)
Tevgêrê Azadî
PYD (Partiya Yekîtiya Demokrat)
P.D.K.S (Partiya demoqtat a kurdi ya sûrî)
Partiya Çep a Kurd li Sûrî.
Tevgera Nûjen ya Kurdistanî-Sûrya.
PÇDKS ( Partiya çep a Demoqrat a Kurd li Sûriyê.)
Partiya Demokrata Kurd li Sûriya( El Partî).
Partiya Çep a Demokrat li Sûriya.
Partiya Rêkeftin a Kurd li Sûrya.
Partiya Çaksaziya Kurd li Sûriya.
Partiya Kesk a Kurdistanî li Sûriya.
Partiya Demokrata Kurdistanî li Sûrya.
Partiya Komanist a Kurdistanî li Sûriya.
PÎK (Partiya islamiya Kurdistan)
KKP ( Partiya Kominista Kurdistan)
Tevgera Kawa
PJAK(Partiya Jiyana Azada Kurdistan)
Yakyatî Şorşgêrî Kurdistan
KODAR (Civaka Demokratîk û Azada Rojhelatĕ Kurdistan)
KJAR (Civaka Jinên Rojhelatî Kurdistan)
Platforma Horam
Plattform Zagros
Plattform Yarsan
Yarî Kurd
Tevçand (Tevgera Çand û Hunera Kurd)
Kurdische Gemeinde Stuttgart e.V
FEDA ( Federesyona Elewîyên Kurdistan)
NAV – YEK (Federasyona Komelên Êzidiya)
Kurdische Zentrum Berlin
CIK ( Civaka Islamiya Kurdistan)
Enstituta Kurdî – Almanaya
Enstituta Kurdî – Bruksel
MŞD ( Meclîsa Şingal a Derveyî Welat)
YMK ( Yekîtîya Mamostayên Kurdistan)
YES (Yekitiya Êzdiyên Sûri)
Kurdisch Gemeinde Brandenburg - Berlîn
Dachverband der Êzidischen Frauenräte
DKF (Deutsch-kurdisches Forum) e.V Dresden
Kongerya Gel a Mezopotamya (Mezopotamya Halk Kongresi.)
Partiya Azadî ya Mezopotamya (Mezopotamya Özgurluk Partisi.)
Kurdistan human rights Association

Sazî û partiyên Kurdistanî li dijî sûcên şer ên Tirk bang li YE’yê kirin

Yên herî zêde hatine xwendin

HPG: Gerîlaya ku li ber lehiyê ket, şehîd bû BI DÎMEN

Besê Erzîncan: Têkoşîna li dijî mêr, hunerek e BI DÎMEN

Şandeya Tensîq û pêkhateyên Şengalê li Bexdayê ne: Divê Iraq rê nede dewleta Tirk BI DÎMEN

Gerîlayên YJA Starê dagirkerek ceza kirin, çeperek îmha kirin

TJK-E'yê dest bi kampanya şandina nameyan ji bo CPT kir

Parêzer Jan Fermon: Abdullah Ocalan dîlgirtiyê şer e, Xaça Sor dikare destwerdanê bike HEVPEYVÎN

Polîtîkayên bêcezahiştinê dibe sedema zêdebûna kuştina jinê BI DÎMEN

KJK: Bi xurtkirina avakirina jiyana azad em 18'ê Nîsanê pîroz bikin!

Encamên zêdetir EWROPA

Girtina Ecevît Pîroglu ji aliyê Sirbîstanê ve li bajarê Zurîhê hat şermezarkirin

DEM Partî hevdîtinên xwe yên li Konseya Ewropayê didomîne

Omer Ocalan û Ozgur Faîk Erol bi CPT’ê re hevdîtin pêk anîn

Li Achîmê Çarşema Serê Nîsanê hate pîrozkirin

Li Cenevreyê banga 'Bila sîstema qirkirina Îmraliyê bi dawî bibe' li CPT’ê kirin

Li Konseya Ewropayê civîna ‘Îmraliyê’