Li bajarê Dresden ê Elmanyayê gelek rewşenbîr û nivîskarên Kurd ên ji Başûr, Bakur, Rojhilat û Rojavayê Kurdistanê û dostên Kurdan hatin cem hev û li avahiya Kulturrathaus ê Dresdenê li ser girîngiya zimanê Kurdî konferansa du rojan li dar xistin.

Konferans êvara Înê bi pêşengiya Deutsch Kurdische Forum eV Dresdenê bi navê “Di dîjîtalîzasyonê de bikaranîna zimanê Kurdî” dest pê kir.

Siyasetmedar Lezgîn Botan axaftina vekirinê kir. Di konferansê de li ser bikaranîna dîjîtal a Kurdî nîqaş hatin kirin. 

Di roja duyemîn a konferansê de Nûnerê Deutsch Kurdische Forum eV ê Dresdenê Yûnis Behram axivî. Behram got, "Yekemîn car geşedanên ku yekîtiya Kurdan pêk tîne tê jiyîn.” Behram bal kişand ser Konferansa Yekrêzî û Yekhelwesta Kurdî ya li Rojava pêk hat.

Piştre Dr. David Klein, Dr. Zerdeşt Haco, Prof.C. Scholtz, Dr.
Yadullah Hewramî li ser zimanê Kurdî pêşkêşî kirin û bal kişand ser girîngiya bikaranîna dîjîtal a Kurdî.