Li bajarê Dusseldorfê yê Elmanyayê bi minasebeta Roja ji Abdullah Ocalan re Azadî ya Navneteweyî tûrnûvaya futbol hat lidarxistin.
 
Beriya tûrnûva dest pê bike Meclîsa Gelê Kurd a Dusseldorfê derbarê pêngava “Ji Abdullah Ocalan re azadî, ji pirsgirêka Kurd re çareseriya demokratîk” de axaftineke kurt hat kirin û armanca pêngavê hat ravekirin.
 
Tûrnûvaya ku duh di navbera saet 17:00-20:00’an de li Cosmos Sporthalle ya Dusseldorfê hat kirin û 6 tîmên futbolê yên bi navên Welatê Rojê, Depspor, Gimgimspor, Amedspor, Çermîkspor û Dersîmspor beşdar bûn. Pêşbirk li du saheyên cuda hatin kirin û bi tevahî 8 maç hatin kirin. Tîma Welatê Rojê ku ji Monchengladbachê beşdar bibû bû yekemîn û tîma Çermîksporê ku ji Dusseldorfê beşdar bibû jî bû duyemîn.
 
Wekî xelat jî pirtûkên Abdullah Ocalan ên bi navên “Sosyalîzm û Pirsgirêkên Şoreşê” û “Li Mixatabekî Digerim” hatin dayîn.