Ji bo bîranîna gerîlayên Azadiya Kurdistanê Dijwar Qamişlo (Metîn Dince), Orhan Bîngol (Alî Dînçer), Tekîn Goyî (Îsmet Unver) û Baran Nisêbîn (Mihemed Sari) ên di dîrokên cuda de şehîd bûne, li paytexa Awsuturya Viyanayê çalakî hat lidarxistin. Malbata Dijwar Nisêbîn û gelek Kurdistanî tevlî çalakiya bîranînê bûn ku ji aliyê Navenda Civaka Kurd a Demokratîk ve hat lidarxistin.

Bîranîn bi deqeyekî rêzgirtinê ji bo bîranîna Şehîdên Azadiya Kurdistanê destpê kir.

Endama Meclîsa Jinê ya Avesta Agirî Kobanê di çalakiyê de axivî û wiha got: “Berxwedana qehremanî ya gerîlayên Kurdistanê li dijî êrîşên dagirkeriyê yên dewleta Tirk a faşîst li çar parçeyên Kurdistanê dewam dike. Lê mixabin di van berxwedanan de şehadet jî çêdibin. Hevrêyên me fermandar Orhan, Dijwar, Botan û Tekîn jî tevlî karwanên şehîdan bûn. Ev gerîlayên qehreman bi salên dirêj li her derê Kurdistanê ji bo azadiya gelê Kurd têkoşiyan, derbeyên mezin li dijmin dan û şehîd bûn. Em gelê welatparêz ê Kurdistanê şehîdan bi rêzdarî bi bîr tînin. Em soz didin ku Rêber Apo azad bikin û ji bo welatekî azad çi ji destê me were bikin.”

Piştre li ser navê DEM-KURD jî axaftin hate kirin.

Piştî axaftinan sînevîzyona li ser têkoşîna şehîdan hate pêşandan. Bîranîn bi dirûşmeyên “Şehîd Namirin”, “Jin Jiyan Azadî” û “Bijî Serok Apo” bi dawî bû.