Li Kanadayê Kurdistaniyan deng veda pîrozbahiyên 1’ê Gulanê ku bi pêşengiya kedkar û bindestan hate lidarxistin.

Di meşa 1’ê Gulanê Roja Karkerên Cîhanê ya ku bi pêşengiya rêxistinên sendîka û koçberan li bajarê Toronto yê Kanadayê hat lidarxistin de, partî û rêxistinên 4 parçeyên Kurdistanê bi dirûşmeya “Ji Abdullah Ocalan re azadî, ji pirsgirêka Kurd re çareserî” cihê xwe di kortejan de girtin û diyar kirin ku hemû pirsgirêkên li Rojhilata Navîn dikarin bi sîstema Konfederalîzma Demokratîk çareser bibe.

Meş ji aliyê gelek sendîka û rêxistinên koçberan ve hate organîzekirin. Navenda Civaka Demokratîk a Kurd, gelek partiyên siyasî, saziyên çep-sosyalîst, rêxistinên ekolojiyê, saziyên jinan, komeleyên koçber û penaberan beşdarî meşê bûn.

Meşa îsal a 1'ê Gulanê ku Kurdistanî û Filistîniyan mohra xwe lê xist, li Meydana Nathan Phillips a Torontoyê destpê kir. Di meşê de bal hat kişandina ser Şerê li Filistîn, Kurdistan û Ûkraynayê.

Kurdistaniyan ji bilî rojeva sereke, bal kişandin ser tecrîda li ser Rêberê Gelê Kurd Abdullah Ocalan û êrîşên dagirkeriyê yên dewleta Tirk ên li ser Kurdistanê jî. Bi broşurên ku amade kiribûn xebatên girseyî hatin pêkanîn.